قصة رجل يقول قصة أبكتني
خبط إيدى على وشي وقلت يالهوى دا زمن أحمد هيموتنى دلوقتى، رنيت عليه وإنتظرت كتير إنه يرد مافيش فايده قلت أكيد مش فاضي قمت غسلت وشي وصليت وحنين لسه نايمه سمعت جرس الباب بيرن جريت عليه ببص من العين السحريه لقيت عين منظرها مرعب اووى صرخت وحطيت إيدى على بقى ومردتش أفتح ببص لقيت الجرس بيرن تانى قولت بصوت مرتعش مين على الباب لقيت إبتسام بتقول أنا ياليلى إفتحى عينى فضلت رايحه جيه
اول مره اترعب كدا يارتنى ماجيت وياترى عين مين إل شوفتها دى فتحت الباب وأنا جسمى كله بيرتعش وريقى ناشف، لحظه صمت عدت عليا كأنها سنه إبتسام واقفه قدامى ومش بتنطق، بقولها سوسو حبيبتى وحشتينى والله اليوم إل مشيت فيه دا، لقيتها داخله على الصالون فى هدوء تام وقعدت قفلت الباب وجيت وراها وقعدت بقولها مالك إنتى زعلانه منى تانى لقيتها عنيها ضلمت كدا وقالتلى من بين اسنانها، كنتي فييين !؟ إتخضيت من
منظرها وقولتلها مالك عنيكى بتعمل كدا ليه لقتها بتضحك من غير نفس كدا وقالتلىانا كويسه ردى على سؤالى قولتلها احمد ياستى قالى لازم اروح اشوف حماتى عشان كانت بعافيه شويه رحت يوم ورجعت بصتلى نظره بعدم تصديق وقامت قيلالى هاتيلى حنين وحشتنى أووى قولتلها بس كدا حاضر هجبهالك وقمت جبت حنين وقعدت العبها بإيدى لغايه ماصحيت وعطتهالها بنتى قشعرت فى بعضها ساعه ماشافتها قامت إبتسام ضاحكه وقايلالى مش عارفه حاسه بنتك بتكرهنى ليه !؟
ضحكت باعلى قوتى وقولتلها يابنتى متهزريش دى بيبى لسه ومتعرفش حاجه، لقيت صوت فونى بيرن قولتلها عن إذنك هشوف التلفون وراجعه قالتلى ماشي دخلت اوضه النوم واخدت الفون بتاعى لقيته احمد قفلت الباب على نفسي عشان لما يزعق إبتسام متسمعش، ولسه بفتح التلفون لقيته بيصرخ وبيقولى ليلااااه إيه إل وداكى الشقه !؟
إنتى ناويه على طلاقك، قولتله يااحمد مش برتاح الا فى شقتى قالى مرنتيش عليا ليه!؟ قولتله رنيت عليك كتير وكنت غير متاح قالى طب إخرجى برااا الشقه حالا إنتى وحنين انا جاي اخدكم حالا واوعك تروحى لإبتسام صحبتك، بتلقائيه قولتله دى عندى برا فى الصالون …
